باشترین بەرنامە بۆ داونلۆدکردنی ڤیدیۆکانی یوتیوب، فەیسبوک، ئینستاگرام و تویتەر

راچڵەکین - سەربەست نەجمەدین

زۆرن ئەو بەرنامانەی تایبەت بۆ مۆبایلە زیرەکەکان دروستکراون و لەبواری داونلۆدکردن یاخود داگرتنی وێنە و ڤیدیۆی ناو تۆڕە کۆمەڵایەتییەکان کاردەکەن.

بەهۆی بەهێزی و پارێزراوی سیستمەکەیەوە، مۆبایلەکانی ئایفۆن بەبەراورد بە گەلاکسی بەشێوەیەکی زەحمەت ڤیدیۆی تۆڕەکانی لێ دادەگێرێت.

بەڵام بوونی چەندین بەرنامەی بەهێز بۆ ئایفۆن وایکردووە بەکارهێنەرانی بێهیوا نەبن و لەرێگەیانەوە ئەو ڤیدیۆیانە داونلۆد بکەن کە مەبەستیانە.

بەرنامەی (iSaveDL -Saver Videos & Audios) هەڵدەستێت بە داگرتنی سەرجەم ڤیدیۆ و دەنگی ناو تۆڕەکانی وەک ئینستاگرام، فەیسبوک، تویتەر، یوتیوب، ئەويش بەرێگەیەکی زۆر ئاسان.

ڕێگاکەش بریتییە لە کۆپی کردنی لینکی ئەو ڤیدیۆیەی مەبەستە و بردنی بۆ ناو بەرنامەکە و دانانی لەو چوارگۆشەیەی خوارەوە، دواتر بەپێی لینکی تۆڕە داولۆندەکەی دادەگریت و راستەوخۆ کارەکە بە سەرەکەوتووی ئەنجام دەدرێت.

بۆ داگرتنی ئەو بەرنامەیە، بەکارهێنەرانی ئایفۆن دەتوانن لە رێگەی ئاپ ستۆرەوە گەڕان بۆ ناوەکەی بکەن و دواتر دایبگرن.